Contributing € 5
Solidariedade
Publicação no web da Semente do nome da pessoa colaboradora como mecenas do projeto.
> 05 Apoiadores
Final da primeira rolda
09 | 10 | 2015
Hoxe remata a primeira rolda da campaña de recadación de fondos para o financiamento das obras da Semente Vigo. Nestes 40 días estamos a piques de acadar o noso segundo obxectivo, apenas restan 300 euros para chegar aos 7.032 euros do que no seu momento consideramos como o financiamento óptimo que precisaba a Semente para sufragar os gastos da obras realizadas.
O certo é que a acollida da campaña está sendo espectacular e pensamos que aínda antes de que remate o día de hoxe podemos chegar á cantidade prefixada. Tedes que saber que estamos perto dos 120 cofinanciadorxs, e que a través das redes sociais a nosa mensaxe espállase cal "bola de neve".
No en tanto, convén comentarvos que Goteo bríndanos a posibilidade de contar con outros 40 días a maiores para seguir recadando fondos. Neste primeiro curso de andaina da Semente Vigo, temos que dotar de materiais pedagóxicos e mobiliario adaptado ás crianzas, ademáis de sufragar os gastos do persoal contratado para desenvolver o proxecto educativo. Por este motivo, imos seguir espallando o proxecto para ir cara un 3º obxectivo de financiamento: a polos 10.000 euros, unha meta difícil pero ao mesmo tempo motivante.
Queremos mantervos informadxs dos pasos que imos dando, a vós que estades construíndo un soño, que estades colaborando tan activamente no financiamento e difusión do proxecto. Non podemos máis que agradecervos unha e outra vez a vosa implicación. Moitas grazas.
Seguiremos sementando e informando.
Comments
Inicia sesión para dejar un comentario